【又得罪人，仲搞到香港末落】=== 係「沒」落，頂，copy佢搞到我水準都低埋
小編有個習慣，就係會睇下有咩網友轉貼share我嘅post，因為我希望可以去對方個page俾like，作為感謝支持嘅回應，咁頭先就有位網友轉貼返我噚日嗰篇「北京客 X 郝海東」文章，然後佢打咗句咁嘅引言:
「我分享這個文章只想顯示為什麼香港末落了，香港真的有些人非常自以爲事（作者和網民的留言可見水凖備之低落）。」
編按1: 係「自以為是」，唔係「自以爲事」
編按2: 「作者和網民的留言可見水凖備之低落」，唔知咩叫「凖備之低落」或者「備之低落」。
咁我心諗，咩事得罪你呀，講事實啫，你咁高水準，又睇開咩post咁巴閉呀?
嘩頂，亞視嚟嘅喂，呀，唔係，佢share簡體字post嘅喂，又甚麼香港沒有變得愈來愈好呀，微信又點樣啟發外國呀......我終於知道點解我得罪人喇，原來係唔小心踩緊祖國，早講吖嘛，唔怪得來來去去都冇突破，我而家寫悔過書:
感谢Yvonne看完「北京客 X 郝海东」全篇文章与及所有网友留言，你花这么多时间咀嚼并作出批评，真是辛苦你了，我一篇文章就反映了为什么香港末落，那么办公室日报真的很具代表性及影响力，我终于觉悟出一篇水准高的文章，是用什么作准则:
1) 简体字
2) 赞赏祖国
3) 批评香港人
而有一种元素是不容忽视的，就是不能说祖国的不是。
如果有一天祖国不用翻墙就可以看到面书，麻烦你告知他们，我会写更多好文章迎合，十几亿人口当中，给我1亿like就足够了，谢谢。
還有，编按1和编按2不用理会了，你那个「自以为事」才是对的，因为你的水准是最高的。
Search